Mu gihe ikipe y’igihugu ‘Amavubi’ ikomeje urugamba rwo gushaka itike y’Igikombe cya Afurika kizabera muri Maroc, amakipe afite abakinnyi batari kumwe n’Amavubi akomeje kwipima mu rwego rwo gufasha abakinnyi gukomeza kuguma ku murongo.
Mu mikino ya gicuti yabaye kuri uyu wa Gatandatu Rayon Sports yipimaga na AS Kigali, iyitsinda igitego 1-0.
Igitego cy’umunya-Senegal Fall Ngagne ni cyo cyafashije Rayon Sports yari idafite abarimo Kapiteni Kevin Muhire na Omborenga Fitina kwisengerera Abanyamujyi. Ni ku mupira uyu rutahizamu yari azamuriwe na myugariro Serumogo Ally Omar mbere yo kuwutereka mu izamu n’umutwe.
Mu gihe Rayon Sports yarimo itsinda AS Kigali, mukeba wayo APR FC yo yarimo inganya na Musanze FC yari yasuye kuri Stade Ubworoherane 0-0.
Ni APR FC yari ifite abakinnyi 14 bonyine, batarimo abarimo Niyomugabo Claude, Mugisha Gilbert, Niyibizi Ramadhan, Niyigena Clement, Ruboneka Jean Bosco, Byiringiro Gilbert na Nshimiyimana Yunnussu bari kumwe n’ikipe y’Igihugu.
Ni APR FC kandi yari idafite Thaddeo Lwanga uri kumwe n’Ikipe y’Igihugu ya Uganda.
Abakinnyi ba Bresil bakina i Burayi bashobora kutazongera kuyikinira
