Perezida wa Uganda, Yoweri Museveni, ku wa Kabiri yashyizeho abaminisitiri bagize Guverinoma nshya y’igihugu cye batarimo amazina asanzwe azwi yari amaze igihe muri Guverinoma ya Uganda.
Mu mpinduka zabayeho, abaminisitiri 29 ni bo batasubijwe mu nshingano.
Barimo Matia Kasaija wari umaze igihe Minisitiri w’Imari n’Igenamigambi, uyu akaba yasimbujwe Henry Musasizi. Barimo kandi Gen. (Rtd) Jeje Odongo wari Minisitiri w’Ububanyi n’Amahanga wasimbuwe kuri uyu mwanya na Ambasaderi Dr. Adonia Ayebare wigeze kuba Ambasaderi wa Uganda mu Rwanda.
Abandi ni Betty Amongi wayoboraga Minisiteri y’Uburinganire, Umurimo n’Iterambere ry’Abaturage wasimbujwe Lt. Gen. Henry Tumukunde Kakurugu, na Gen. (Rtd) Moses Ali wari umaze igihe Minisitiri w’Intebe Wungirije wa Kabiri we yasimbujwe, Dr. Crispus Walter Kiyonga.
Urutonde rw’Abaminisitiri n’Abanyamabanga ba Leta Museveni yashyizeho
1. Visi-Perezida: Hon. Jessica Rose Epel Alupo (Maj. Rtd.)
2. Minisitiri w’Intebe akaba n’Umuyobozi wa Guverinoma mu Nteko Ishinga Amategeko: Hon. Robinah Nabbanja
Abaminisitiri ba Guverinoma
1. Minisitiri w’Intebe Wungirije wa mbere akaba na Minisitiri ushinzwe Umuryango wa Afurika y’Iburasirazuba: Rt. Hon. Rebecca Kadaga
2. Minisitiri w’Intebe Wungirije wa kabiri akaba n’Umuyobozi Wungirije wa Guverinoma mu Nteko: Hon. Dr. Crispus Walter Kiyonga
3. Minisitiri w’Intebe Wungirije wa gatatu akaba na Minisitiri udafite Minisiteri: Hon. Lukia Nakadama
4. Minisitiri w’Uburezi na Siporo: Hon. Museveni Janet Kataaha
5. Minisitiri muri Perezidansi ushinzwe Ibiro bya Perezida: Hon. Babiryemilly Babalanda
6. Minisitiri muri Perezidansi ushinzwe Umutekano: Hon. Jim Muhwezi
7. Minisitiri muri Perezidansi ushinzwe Siyansi, Ikoranabuhanga na Innovasiyo: Eng. Asiimwe Jonard
8. Minisitiri ushinzwe Umujyi wa Kampala n’inkengero zawo: Hon. Minsa Kabanda
9. Minisitiri muri Perezidansi ya Minisitiri w’Intebe ushinzwe inshingano rusange: Hon. Eng. Hillary Onek
10. Umuyobozi Mukuru ushinzwe gukurikirana ibikorwa bya Guverinoma mu Nteko (Government Chief Whip): Hon. Justine Kasule Lumumba
11. Minisitiri muri Perezidansi ya Minisitiri w’Intebe ushinzwe ubutabazi, ibiza n’impunzi: Hon. Samengola
12. Minisitiri ushinzwe Karamoja: Hon. Lokii John Baptist
13. Minisitiri w’Ubuhinzi, Ubworozi n’Uburobyi: Hon. Frank Tumwebaze
14. Intumwa Nkuru ya Leta (Attorney-General): Hon. Sam Mayanja
15. Minisitiri w’Ingabo n’abahoze mu ngabo: Hon. Kiryowa Kiwanuka
16. Minisitiri w’Ingufu n’Ubucukuzi bw’Amabuye y’Agaciro: Hon. Dr. Musenero Monica Musanza
17. Minisitiri w’Imari, Igenamigambi n’Iterambere ry’Ubukungu: Hon. Henry Musasizi
18. Minisitiri w’Ububanyi n’Amahanga: Amb. Adonia Ayebare
19. Minisitiri w’Uburinganire, Umurimo n’Iterambere ry’Imibereho Myiza: Hon. Lt. Gen Tumukunde Henry Kakurugu
20. Minisitiri w’Ubuzima: Hon. Dr. Chris Baryomunsi
21. Minisitiri w’Ikoranabuhanga n’Ubukangurambaga bw’Igihugu: Hon. Jane Ruth Aceng Ocero
22. Minisitiri w’Umutekano w’Imbere mu Gihugu: Hon. Prof. Kamuntu Ephraim
23. Minisitiri w’Ubutabera n’Itegeko Nshinga: Hon. Nobert Mao
24. Minisitiri w’Ubutaka, Imyubakire n’Iterambere ry’Imijyi: Hon. Judith Nabakooba
25. Minisitiri w’Ubutegetsi bw’Inzego z’Ibanze: Hon. Balaam Barugahara
26. Minisitiri w’Abakozi ba Leta: Gen. Katumba Wamala
27. Minisitiri w’Ubukerarugendo, Inyamaswa zo mu Gasozi n’Umurage Ndangamateka: Hon. Tom Butime
28. Minisitiri w’Ubucuruzi, Inganda n’Amakoperative: Hon. Sanjay Tanna
29. Minisitiri w’Amazi n’Ibidukikije: Maj. Gen. Kahinda Otafiire
30. Minisitiri w’Imirimo Rusange n’Ubwikorezi: Hon. Byamukama Fred
Aba baminisitiri biyongeraho abanyamabanga ba Leta 51.
