Perezida wa Uganda, Yoweri Kaguta Museveni yibaza uko yaba yarabonya amajwi amugeza ku ntsinzi ya manda ya gatandatu, niba urubyiruko rwose rwaratoye Robert Kyagulanyi (Bobi Wine) wamukurikiye mu majwi.
Ni ibikubiye muri bumwe mu butumwa Perezida Museveni yagejeje ku Bagande nyuma y’aho Komisiyo y’Amatora yari imaze gutangaza ko yatsinze ku majwi 58.64%.
Mbere no mu bihe byo kwiyamamariza umwanya w’Umukuru w’Igihugu, bamwe mu basesenguzi batangazaga ko Bobi Wine yigaruriye imitima y’urubyiruko rwinshi, cyane cyane urubayeho mu buzima bugoye.
Hashingirwaga ahanini ku buryo uru rubyiruko rwitabiraga ibikorwa bye byo kwiyamamaza ku bwinshi, aho byasabaga ko inzego zishinzwe umutekano zahanganaga na rwo zirusubiza inyuma kuko rwabaga rwarenze umubare wemewe na Komisiyo y’Amatora, mu rwego rwo kurwanya ikwirakwira ry’icyorezo cya Covid-19.
Museveni muri iri jambo, yibajije aho yaba yarakuye aya majwi, niba koko urubyiruko rwose rwaratoye Bobi Wine. Ati: “Niba urubyiruko rwose rwaratoye Bobi Wine, none ubwo Museveni yaba yarabonye amajwi yose ate?”
Yagaragaje ko rubyiruko rwamuhindukiriye ku bwinshi. Ati: “Urubyiruko rwaduhindukiriye ku bwinshi.” Yashimangingiye ko urubyiruko rushyigikira ishyaka NRM riri ku butegetsi, kandi ngo umubare warwo uri kwiyongera.
Bobi Wine ni we wakurikiye Perezida Museveni, aho yagize amajwi 34.83%, Patrick Amuriat wari umukandida wa FDC agira amajwi abarirwa muri 3%, abandi bakurikiyeho nta n’umwe wagejeje ku ijwi rimwe ku ijana.
2 Responses
Museveni yibaza uko yabonye amajwi, niba urubyiruko rwose rwaratoye Bobi Wine
ntayo yatsinze yaratekinitse ! nonese yakuriragaho iki se itumanaho ryose mu Gihugu? si ya manyanga yarimo nyine?
Museveni yibaza uko yabonye amajwi, niba urubyiruko rwose rwaratoye Bobi Wine
ntayo yatsinze yaratekinitse ! nonese yakuriragaho iki se itumanaho ryose mu Gihugu? si ya manyanga yarimo nyine?