Ndayisaba Epimaque ufite ubumuga bwo kutabona yasezeranye n’umukunzi we w’umuganga= REBA VIDEO

Umuhanzi Ndayisaba Epimaque ufite ubumuga bwo kutabona amaranye imyaka igera kuri 27, ku wa 25 Ukwakira 2019, yasezeranye n’umukunzi we, Mutuyimana Vestine urimo gusoza amasomo ye mu by’ubuganga.

Mu kiganiro bombi bagiranye na Bwiza Tv, bavuga ko basezeranye imbere y’amategeko bamaze imyaka itatu bakundana kandi bakaba banitegura kuzasezerana imbere y’Imana mu kwezi kwa 12.

Imbere y’amategeko, Vestine na Epimaque basezeraniye mu Murenge wa Mukamira mu Karere ka Nyabihu, Intara y’Iburengerazuba, aho uyu musore w’imyaka 33 y’amavuko avuka.

Avuga ko yishimiye kuba agiye kubana na Vestine ndetse ko n’imiryango ibari inyuma, ati ” Imiryango yarabyumvise iranabikunda iranabishyigikira niyo mpamvu iyi ntambwe yatewe uyu munsi, Ibyo Imana irimo, umugambi wayo urangira nk’uko yawuteguye”.

Ku ruhande rwa Vestine avuga ko hari abagiye bamuca intege ko agiye kubana n’umusore ufite ubumuga, gusa ku bw’urukundo akunda Epimaque ngo ntabwo byari kumuca intege.

Ati “Byaravuzwe cyane ariko ndi fière yabyo kandi niteguye kumuba hafi uko nshoboye kose”.

Ubukwe bwa Epimaque na Vestine buzaba ku wa 8 Ukuboza 2019, ku rusengero rw’Abadivantisiti b’umunsi wa Karindwi i Remara mu Mujyi wa Kigali.

KANDA KURI IYO LINK WIREBERE