Abantu 22 baguye mu gitero cyagabwe kuwa Gatandatu kuri bus eshanu zari zirimo abaturage b’Abayisilamu ahitwa Jos muri Leta ya Plateau muri Nigeria, bashyinguwe kuri iki Cyumweru, mu gihe abandi 14 bakomeretse.
Abayobozi hagati aho baravuga ko iyi mibare ishobora kwiyongera.
Imodoka uko ari eshanu zari zitwaye abantu 90, biganjemo Abayisilamu zagabweho igitero n’abantu bitwaje intwaro gakondo bivugwa ko ari abo mu mutwe w’intagondwa z’Abakirisitu nyuma yo kwizihiza umwaka mushya wa kisilamu.
Iki gitero cyamaganwe na Guverineri wa Leta ya Plateau. Polisi yo itangaza ko abantu 6 bakekwaho kugira uruhare muri iki gitero batawe muri yombi.
Amajyarugru y’uburengerazuba bwa Nigeria ngo akaba amaze imyka itari mike avugwamo amakimbirane hagati y’aborozi biganjemo Abayisilamu n’Abahinzi b’Abakirisitu, bapfa amazi n’ubutaka.
Muri Nzeri 2001, amakimbirane hagati y’Abakirisitu n’Abayisilamu muri Jos yaguyemo abantu 913 nk’uko byemejwe na Human Right Watch.
