Mu muhango wo gutanga ibihembo ku bakinnyi bahize abandi mu mwaka w’imikino 2015-2016 muri Shampiyona y’u Rwanda, nta cyatunguranye cyagaragaye uretse icyiciro cyo gutanga igihembo ku mufana witwaye neza kitavuzweho rumwe.
Mu ijoro ryo kuri uyu wa Gatanu taliki 29 Nyakanga 2016 ku cyicaro cy’Ishyirahamwe ry’umupira w’amaguru mu Rwanda, Ferwafa, ni bwo hatanzwe ibihembo ku bakinnyi bitwaye neza kurusha abandi, ikipe ya Rayon Sport ikaba ariyo yagaragayemo abakinnyi bihariye ibihembo kurusha abandi.
Muri ibi bihembo byatangiwe ku cyicaro cy’Ishyirahamwe ry’umupira w’amaguru mu Rwanda, Ferwafa, nta gutungurana kwabayemo ndetse byanagaragariye mu buryo impande zose zakiraga ibyavuye mu kanama kari gashinzwe gutoranya abahembwa.
[xyz-ihs snippet=”google-pub”]
Savio, Masoudi, Bakame mu begukanye ibihembo by’abahize abandi mu mwaka hakiyongeraho na Kwizera Pierrot wegukanye igihembo cy’umukinnyi w’umwaka
Nk’uko benshi babyemezaga, Umurundi Kwizera Pierrot wafashije Rayon Sports kwegukana igikombe cy’Amahoro,no kugera ku mwanya wa kabiri muri shampiyona niwe watowe nk’umukinnyi uhiga abandi mu mwaka ushize w’imikino ashyikirizwa igikombe giherekejwe na miliyoni imwe y’amafaranga y’u Rwanda.
Dore urutonde rw’abakinnyi batwaye ibihembo n’amakipe bakinagamo
Umuzamu: Ndayishimiye Eric “Bakame” (Rayon Sports)
Ba myugariro: Omborenga Fitina (Kiyovu Sports), Imanishimwe Emmanuel (Rayon Sports), Rwatubyaye Abdul (APR FC),na Munezero Fiston (Rayon Sports).
Abakina hagati: Niyonzima Ali (Mukura VS), Muhadjiri Hakizimana (Mukura), Pierrot Kwizera (Rayon Sports), Iranzi Jean Claude (APR FC) na Nshuti Savio Dominique (Rayon Sports).
Rutahizamui: Ismaila Diarra (Rayon Sports).
Icyiciro cyitavuzweho rumwe ndetse cyagaragayemo kwisubiramo kw’abateguye ibihembo n’icy’umufana w’umwaka aho byatunguranye bavuze ko bahemba umufana umwe muri buri kipe agatahana amafaranga ibihumbi 100, ibintu bitishimiwe n’abafana nka Rwarutabura na Rujugiro bari baje biteguye guhembwa.
Kanda hano ujye ubona amakuru yihuse kandi kugihe kuri Facebook no kuri twitter
Ndacyayisenga Fred@Bwiza.com
