Nyuma y’ifatwa rya Paul Rusesabagina bakoranaga politiki mu ihuriro mouzamashyaka arwanya leta y’u Rwanda rya MRCD Ubumwe, Faustin Twagiramungu uribereye umuvugizi yavuze ko adatewe ubwoba no kuba na we yafatwa.
N’ubwo ari Umuvugizi wa MRCD Ubwigunge, Faustin Twagiramungu ni we muyobozi mukuru usigaye muri iri huriro, ku buryo abarigize babaye bashakishwa, yaba ari we utahiwe.
Mu kuganiro na VOA ubwo yavugaga ku ifatwa, ifungwa n’urubanza bya Paul Rusesabagina, yabajijwe niba nta bwoba afite ko na we azafatwa, asubiza ati: “Ariko murasetsa! Nta bwoba mfite! Maze kubona byinshi”. Byinshi uyu musaza avuga abigereranya n’imyaka 75 y’amavuko amaze kuzuza.
Faustin Twagiramungu, MRCD Ubumwe n’abagize umuryango wa Paul Rusesabagina bose bashimangira ko uyu musaza w’imyaka 66 y’amavuko, yatawe muri yombi na leta y’u Rwanda mu buryo budakurikije amategeko mpuzamahanga. Bagaragaza ko bafite impungenge ku butabera yazahabwa, bagasaba ko yafungurwa akajya kuburanira mu bihugu nk’u Bubiligi.
