Perezida wa Repubulika wa Uganda, Yoweri Kaguta Museveni kuri uyu wa 12 Ukuboza 2021 yagize Maj. Gen. (Rtd) Robert Rusoke Ambasaderi mushya w’igihugu ayoboye mu Rwanda.
Gen. Rusoke arasimbura Oliver Wonekha wabaye Ambasaderi wa Uganda mu Rwanda kuva mu 2017. Wonekha we yoherejwe mu Bushinwa.
Hari abandi ba Ambasaderi 37 Perezida Museveni yashyizeho barimo undi musirikare Lt Col Julius Kihanda woherejwe muri Angola, hamwe n’abandi 4 yagize ba Ambasaderi bungirije.
Gen. Rusoke agiye kuba Ambasaderi wa Uganda mu Rwanda mu gihe umubano w’ibi bihugu utifashe neza kuva mu 2017.
