Perezida wa Repubulika ya Mozambique, Filipe Nyusi, kuri uyu wa 2 Werurwe 2022 yirukanye ba Minisitiri batandatu (6) muri Guverinoma ye.
Abo yirukanye ni: Minisitiri w’Ubukungu n’Imari, Adriano Maleiane, Ernesto Max Elias Tonela w’Ibikomoka mu butaka n’ingufu, Carlos Alberto Fortes Mesquila w’Inganda n’Ubucuruzi, João Osvaldo Machatine w’Imirimo rusange, imiturire n’amazi,
Minisitiri w’inyanja n’uburobyi Augusta de Fátima Charifo Maita na Minisitiri ushinzwe abahoze ari abarwanyi, Carlos Jorge Siliya.
Nk’uko VOA Portugues ibivuga, ntabwo itangazo ryaturutse mu biro by’Umukuru w’Igihugu ryasobanuye impamvu aba ba Minisitiri birukanwe, ariko ngo bishobora kuba byakozwe mu rwego rw’ivugurura.
Perezida Nyusi yaherukaga kuvugurura Guverinoma mu Gushyingo 2021, ubwo yashyiragaho Minisitiri w’Ingabo n’uw’Umutekano w’Imbere bashya.
Ntabwo haratangazwa abasimbura b’aba birukanwe.
