Perezida wa Repubulika Yunze Ubumwe ya Tanzania, Samia Suluhu Hassan yababariye izindi mfungwa 3826 kuri uyu wa 26 Mata, ubwo igihugu cyizihiza imyaka 58 kimaze cyiyunze n’ibirwa bya Zanzibar.
Imfungwa zababariwe ni izarangije ¼ cy’igifungo zakatiwe zirimo: izifite indwara zidakira kandi zikomeye, izikuze zirengeje imyaka 70 y’amavuko, izonsa abana n’abatwite, izifite ubumuga bwo mu mutwe n’ingingo, izakatiwe igifungo cy’urupfu zimaze muri gereza imyaka irenga 30 n’izakatiwe igihano cya burundu zimazemo imyaka 20.
Harimo kandi izahamijwe kugerageza kwica zari zimazemo imyaka irenga 10, izagerageje kwiyahura zimazemo imyaka irenga 10, izishe impinja bamazemo imyaka irenga 15, izahamijwe ibyaha bihungabanya ubukungu zimazemo imyaka irenga 20 n’izahamijwe icyaha cyo gukoresha ububasha zahawe mu buryo butemewe n’amategeko zimazemo imyaka irenga 5.
Uyu Mukuru w’Igihugu yaherukaga kandi kubabarira imfungwa 5001 yababariye muri Mata 2021. 1516 muri zo zahise zifungurwa, izindi 3485 zisabwa kurangiza igifungo cyari gisigaye.
Inkuru y’imbabazi Perezida Samia yari aherutse guha imfungwa 5001 https://www.bwiza.com/?Perezida-Suluhu-yababariye-imfungwa-5-001
