Kuri uyu wa Gatandatu, itariki ya 8 Mutarama, Perezida Samia Suluhu Hassan, yavuguruye guverinoma arekura abaminisitiri bamwe azana andi masura mashya.
Atangaza izi mpinduka muri perezidansi i Dar es Salaam, umunyamabanga mukuru, Ambasaderi Hussein Kattanga yavuze ko Perezida yakoze impinduka mu miterere muri minisiteri eshatu.
Yongeyeho ko Perezida Suluhu yagize ibyo ahindura kugira ngo asohoze amasezerano ye yo gukora impinduka muri guverinoma.
Kuwa Kabiri, itariki ya 4 Mutarama 2022 nk’uko Daily Nation dukesha iyi nkuru ivuga, Perezida Suluhu, yakomoje kuri gahunda yo kuvugurura guverinoma ye.
Guverinoma nshya yagaruwemo Nape Nauye wahoze ari umunyamabanga wa Leta ushinzwe kwamamaza, muri Minisiteri ya Siporo, Umuco n’Ubuhanzi mu gihe Ridhiwan Kikwete yagizwe Minisitiri wungirije w’ubutaka, imiturire n’imiturire y’abantu.
Uwitwa Hussein Bashe ubu yabaye Minisitiri w’ubuhinzi mu gihe Anthony Mavunde amwungirije.
