Bidasubirwaho, uwahoze ari umukinnyi w’umupira wa Ruhago ukomoka muri Liberia, George Weah yatsinze amatora y’umukuru w’igihugu.
Nyuma y’uko bitangajwe ko ibyavuye mu matora y’umukuru w’igihugu muri Liberia byerekana ko uyu mugabo, Weah ari we watsindiye kuyobora kiriya gihugu, abandi bakuru b’ibihugu bitandukanye muri Afurika barimo na perezida Kenyatta wa Kenya, bafatanyije na we kubyina intsinzi.
Ni muri urwo rwego, abinyujije ku mbuga nkotanyambaga, perezida Kenyatta yatangaje ko azakora ibishoboka agakoranira bya hafi n’uyu muperezida mushya wa Liberiya mu rwego rwo kunoza umubano hagati y’ibihugu byombi ndetse no kuzamura umuryango nyafurika.
Perezida Kenyatta yashimiye mugenzi we, George Opong Weah ku buryo yatahukanye intsinzi mu matora yabaye muri kiriya gihugu kuwa 27 Ukuboza 2017.
[xyz-ihs snippet=”google-pub”]
Yagize ati “Nishimiye intsinzi ya perezida watowe, George Weah, intsinzi ye si iya none kuko yanaranzwe no gutwara ibikombe mu mukino wa football, ubu yatsinziye kuba umuyobozi w’abaturage be bityo nka Kenya tukaba tumwifurije intsinzi turamwifuriza ibyiza mu buyobozi bwe.
George Weah atsinze amatora y’umukuru w’igihugu nyuma y’uko muri 2005 yari yagerageje kwiyamamaza agatsindwa, akananirwa kugira 50% nk’uko yabisabwaga.
Gerorge Weah, asimbuye kuri uyu mwanya umugore, Ellen Johson Sirleaf ari na we wabaye umuperezida w’umugore wa mbere ku mugabane w’Afurika kuva mu binyejana byashize.
Weah yahoze ari igikomerezwa mu mupira w’amaguru mu makipe akomeye ku isi, akaba yarakiniye amakipe ya Monaco, PSG, AC Milan ndetse na Chelsea.
Perezida Weah, ni na we mukinnyi wenyine wok u mugabane w’Afurika wabashije gutwara umupira wa Zahabu (Ballon D’or), akaba abaye umuperezida wa 25 muri kiriya gihugu.
Kanda hano ujye ubona amakuru yihuse kandi kugihe kuri Facebook no kuri twitter
Nsengimana@Bwiza.com
