Perezida wa Guinée Equatoriale, Teodoro Obiang Nguema Mbasogo, yatorewe indi manda y’imyaka 7 nyuma y’imyaka 43 ari ku butegetsi.
Komisiyo ishinzwe amatora muri iki gihugu kuri uyu wa 26 Ugushyingo 2022 yatangaje ko uyu Mukuru w’Igihugu yatsinze amatora ku majwi 94.9%.
Umunyapolitiki Andrés Esono Ondo bari bahanganye cyane muri aya matora, we yatowe n’abantu 4%, bangana n’amajwi 9,684 y’abitabiriye amatora.
Obiang Nguema w’imyaka 80 y’amavuko yatangiye kuyobora iki gihugu muri Kanama 1979.
