Abasirikare 18 ba Phillippines kuri uyu wa Gatandatu baguye mu mirwano yabahuje n’umutwe ugendera ku matwara ya Kisilamu uzwi nka Abu Sayyaf ku Kirwa cya Bazilan kiri mu majyepfo y’igihugu. Abarwanyi batanu ba Abu Sayyaf nabo bakaba baguye muri iyo mirwano ngo ikomeye kurusha indi imaze kuba kuva uyu mwaka watangira.
Nk’uko iyi nkuru dukesha RFI ivuga, ngo abasirikare bane bal eta banaciwe imitwe muri iyo mirwano ngo yabahuje n’abarwanyi barenga 100 ba Abu Sayyaf nk’uko byatangajwe kuri iki Cyumweru Na Cmdt. Filemon Tan, Umuvugizi w’ingabo muri ako karere. Yongeyeho ko abandi basirikare bagera kuri 53 ndetse n’abarwanyi basaga 20 bakomerekeye muri iyo mirwano.
Iyi nkuru ikomeza ivuga ko andi makuru aturuka mu gisirikare avuga ko izi ngabo zishwe zari mu mutwe wari ugiye gutera umutwe w’iterabwoba ubwo zagwaga mu mutego w’abarwanyi ba Abu Sayyaf.
Mu kiganiro yagiranye na Radio DZRH, Col. Benedict Manquiquis, umuvugizi w’uyu mutwe wahuye wakozwemo, yavuze ko umwanzi yari ari ahantu hirengeye ku buryo ingabo za leta zabuze aho zihungira.
Iyi mirwano kandi ngo yadutse nyuma y’umunsi umwe habohojwe uwahoze ari umupadiri w’Umutaliyani wari warafashwe bugwate n’uyu mutwe ugendera ku matwara ya Kisilamu wa Abu Sayyaf bivugwa ko unafite izindi mbohe zibarirwa muri 20.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
