Ikipe ya Police FC yemeje umutoza Mashami Vincent wahoze atoza ikipe y’igihugu ‘Amavubi’ nk’umutoza wayo mukuru.
Iyi kipe ya Polisi y’igihugu yemeje aya makuru ibinyujije ku rubuga rwayo rwa Internet.
Amakuru avuga ko uyu mutoza wanyuze mu makipe ya APR FC na Bugesera yahawe amasezerano yo gutoza Police FC mu myaka ibiri iri imbere.
Ni nyuma y’uko iyi kipe itandukanye n’umunya-Ecosse Frank Nuttall wari umaze umwaka umwe ayibereye umutoza mukuru.
Police FC kandi yakoze impinduka mu buyobozi bwayo bukuru zasize ACP Yahaya Kamunuga agizwe Umuyobozi Mukuru w’iyi kipe.
Muri izi mpinduka kandi Visi-Perezida wa mbere wa Police FC yagizwe ACP (rtd) Bosco Rangira mu gihe Visi-Perezida wa kabiri ari SP RĂ©gis Ruzindana.
Umunyamabanga Mukuru wa Police FC akanaba Umuvugizi wayo, CIP Obed Bikorimana, yavuze ko impinduka zakozwe muri iyi kipe zitezweho kuvugurura umusaruro ndetse n’ihangana by’iyi kipe.
