Ikipe ya Paris Saint-Germain (PSG) yo mu Bufaransa yongeye kwiyerekana nk’imwe mu makipe y’ibihangange yabayeho i Burayi nyuma yo kuba ikipe ya kabiri gusa yegukanye igikombe cya Champions League yikurikiranya.
Ni intsinzi yagezweho binyuze kuri penaliti 4-3 mu mukino wa nyuma na Arsenal yo mu Bwongereza, i Budapest muri Hongrie, aho mu gihe gisanzwe no mu gihe cy’inyongera amakipe yombi yari yanganyije igitego 1-1.
Mu gukora ibyo, PSG ihindutse ikipe ya mbere ishoboye kugumana iki gikombe kuva Real Madrid ibigezeho igatwara ibikombe bitatu yikurikiranya hagati y’umwaka wa 2016 n’uwa 2018, ndetse iba iya kabiri gusa ibikoze kuva Champions League itangiye kwitwa gutyo guhera mu mwaka wa 1993.
Mu mateka y’imyaka 71 iri rushanwa rimaze, PSG ni yo kipe ya 10 gusa yegukanye ibikombe byikurikiranya.
Mu mezi 12 ashize PSG yari yanyagiye Inter Milan ibitego 5-0 ku wundi mukino wa nyuma wa Champions League.
