Umukinnyi wo hagati w’ikipe y’igihugu, Amavubi na AFC Eskilstuna yasubiye muri Sweden adakiniye iyi kipe mu mukino wo gushaka itike y’igikombe cy’Isi urayihuza na Harambee Stars ya Kenya kuri uyu wa 15 Ugushyingo 2021.
Nyuma yo gukinira Amavubi mu mukino yatsindiwemo na Mali ibitego 3-0 wabereye kuri sitade ya Kigali tariki ya 11 Ugushyingo 2021, Raphael York yajyanye n’iyi kipe muri Kenya yitegura uyu wa nyuma mu itsinda.
Gusa ngo akigera muri Kenya, yabwiye umutoza Mashami Vincent ko atazakina, ahubwo ashaka gusubira muri Sweden, aho ababyeyi be baba.
Amakuru avuga ko icyifuzo cye cyemewe, kuri uyu wa 13 Ugushyingo 2021, asiga abakinnyi bagenzi be mu myiteguro, asubira muri Sweden.
Mu itsinda Amavubi aherereyemo, ari ku mwanya wa nyuma n’inota rimwe. Icyizere cyo kubona iyi tike cyayoyotse ubwo yatsindwaga na Uganda Cranes ya Uganda mu mikino ibiri yabaye mu Kwakira 2021.
