Rayon Sports kuri uyu wa Gatanu yakiriye umunya-Côte d’Ivoire, Gnamien Mohaye Yvan waje kurangizanya na yo.
Uyu rutahizamu w’imyaka 20 y’amavuko yageze i Kigali mu masaha yatambutse.
Ni rutahizamu Rayon Sports ivuga ko akinisha akaguru k’ibumoso, mu mwaka ushize akaba yarakiniraga Stars Olympic Football Club D’Abobo y’iwabo.
Uyu mukinnyi abaye umunyamahanga wa 12 uje muri Rayon Sports, dore ko iyi kipe yari isanganywe abandi 11.
Aba barimo Abagande: Simon Tamale, Joackiam Ojera, Charles Bbale na Musa Esenu; Abarundi: Arouna Mussa Madjaliwa, Mbirizi Eric na Mvuyekure Emmanuel ‘Manu’; Umunye-Congo Héritier Nzinga Luvumbu, umunya-Maroc Youssef Rharb cyo kimwe n’umunya-Sudani Eid Mugadam Abakar Mugadam.
Iyi kipe kandi ifite umunya-Nigeria Raphael Osaluwe.
Amakuru cyakora avuga ko Rayon Sports ishobora gutiza bamwe muri bariya banyamahanga, by’umwihariko Mbirizi na Esenu bakaba bari gushakirwa amakipe.
