Urwego rw’igihugu rushinzwe imfungwa n’abagororwa (RCS), rubinyujije ku rukuta rwa Twitter, rwatangaje ko hafashwe Batambarije Theogene, umwe mu batorokanye na Ntamuhanga Cassien.
Umuvugizi  w’uru rwego, CIP Hillary Sengabo, yatangaje ko Batambarije Theogene wafashwe ari mwene Mukamwambutsa batuye mu kagari ka Rwimbogo, umurenge wa Gatebe, akarere ka Burera mu Ntara y’Amajyaruguru akaba yaratorotse tariki 31 Ugushyingo 2017 ari kumwe na Ntamuhanga Cassien na Sibomana Kirenge akaba yari amaze amezi 6 atorotse,  yafatiwe mu karere ka Gicumbi mu ijoro ryakeye tariki 03 Mata 2018.
Batambarije Theogene yari yarahamwe n’ibyaha byo gufata ku ngufu, aho yakatiwe igifungo cy’imyaka 16, yari yatorotse gereza ya Nyanza atakirangije.
Ku wa 31 Ukwakira 2017, nibwo RCS yatangaje ko umunyamakuru Cassien Ntamuhanga wari warakatiwe igifungo cy’imyaka 25 yatorokanye  n’aba bombi, kugeza magingo aya Ntamuhanga atangariza itangazamakuru ko yatorotse by’umwihariko akaryigaragariza, gusa aho avugira ntabwo ahatangaza, mu gihe Sibomana we atarigaragaza.
Kanda kuri SUBSCRIBE ujye ubona ibiganiro n’indirimbo bishya
