Hashize ibyumweru 2 abapolisi muri Kivu ya Ruguru bataye akazi bahunga impirimbanyi z’umutwe w’inyeshyamba za Bashari Mokoto. Kugeza ubu ibigo bitanu mu bigo 9 bya polisi byari muri aka gace bikaba bimaze guhunga aka gace.
Kugeza ku munsi w’ejo kuwa gatatu abapolisi bavugaga ko uyu mutwe ubarusha intwaro bityo bikaba bitari gushoboka ko bahangana n’uyu mutwe nk’uko abaturiye aka gace babitangaza.
Aba baturage bavuga abashinzwe umutekano bagizwe n’abapolisi babonye izi nyeshyamba bahitamo kuyabangira ingata nta sasu rivuze, bahungira ku buyobozi bwa Polisi ( Etat Major de Police) buherereye i Kirumbu ni mu birometero 100 uvuye mu Burengerazuba bwa Goma.
Mu minsi ishize aba barwanyi bateye ibirindiro bya polisi byari muri aka gace ka Bashali Bokoto. Muri icyo gihe bishe umubare munini w’abapolisi abandi babambura intwaro. Iyi ni imwe mu mpamvu yatumye aba bapolisi bahunga ibigo byabo.
Mu mpera z’icyumweru gishize abarwanyi b’inyeshyamba za Nyatura bambuye intwaro zigizwe n’amasasu n’imbunda ya Karachnikov nyuma yo kumwica. Uyu mupolisi abarizwa muri komisariya ya Bwederu muri Lukweti agace gaherereye muri Bashali Mokoto.
Ku munsi w’ejo kuwa gatatu abarwanyi ba Mai Mai bishe abapolisi babiri i Bihambwe banabatwara intwaro.
Umukuru wa Polisi muri territoire ya Masisi akaba asaba ko muri aka gace hoherezwa ingabo zo guhangana n’imitwe yitwaje intwaro.
Kanda hano ujye ubona amakuru yihuse kandi kugihe kuri Facebook no kuri twitter
Alphonse Munyankindi / Bwiza.com
