Igisirikare cya Repubulika Iharanira Demokarasi ya Congo (FARDC) gitangaza ko hari abasirikare bacyo babiri bakomerekejwe n’amasasu mu mirwaho yabahuje n’inyeshyamba za Maà¯-Maà¯, zishwemo batatu.
Ni imirwano yabaye ku Cyumweru tariki ya 19 Gicurasi 2019, muri Teritwari ya Masisi, uzwiho kuba ikungahaye ku mabuye y’agaciro, muri Kivu y’Amajyepfo.
Nk’uko bitangazwa na Capt. Dieudonné Kasereka, umuvugizi w’ingabo ziri mu bikorwa byo kwambura intwaro inyeshyamba (Sukola 2) muri Kivu y’Amajyepfo, yavuze ko ari izi nyeshyamba zashatse kwigarurira agace ka Lubishako, zikozanyaho n’ingabo za Leta.
Yagize ati “Izo nyeshyamba zashatse kwigarurira agace ka Lubishako mbere y’uko zikwizwa imishwaro, raporo y’agateganyo igaragaza ko ari abarwanyi batatu ba Maà¯-Ma௠bishwe, n’abasirikare babiri ba FARDC bakomerekejwe n’amasasu”.
Iki gitero kije gikurikira icyabaye ku wa 14 Gicurasi 2019, aho umwe mu nyeshyamba za Maà¯-Ma௠Yakutumba yishwe, bagenzi be bane bafatwa mpiri, ubwo bageragezaga guhungabanya umutekano i Masisi no ku nkengero zayo.
