Mu ijoro ryo ku wa Gatatu rishyira kuri uyu wa Kane ushize itariki ya 24 Nzeri 2020, inyeshyamba za ADF zagabye igitero mu mudugudu wa Kinyambahore uherereye mu gace ka Kilya mu Murenge wa Ruwenzori, Intara ya Beni, mu ntara ya Kivu y’Amajyaruguru, abaturage batanu bahasiga ubuzima abandi barakomereka nk’uko umuyobozi wa Kilya abitangaza.
Avugana na 7SU7.CD, uyu muyobozi witwa Malikidogo Willy yagize ati: “Ndemeza ko abantu bitwaje intwaro banyuze mu gace kanjye. Bavuga ko bakomoka mu mutwe w’inyeshyamba wa ADF. Hari abasivili bishwe ndetse n’ibicuruzwa bimwe na bimwe byasahuwe.”
Yakomeje agira ati: “Ingabo zacu za FARDC zamanutse ahabereye ibyago kugira zitore imirambo y’abishwe yasizwe n’abagabye igitero baburiwe irengero nyuma yo gukora icyaha “.
Aya makuru yemejwe na societe civile yo mu Murenge ya Ruwenzori. Perezida wayo, Wilson Batoleni, yatangaje ko mu midugudu yegereye uwagabwemo igitero hagaragaye abaturage bari batangiye guhunga bava mu byabo.
