Igisirikare cya Congo kiratangaza ko mu ijoro ryo kuri uyu wa gatanu ushize, itariki 30 Ukuboza, cyataye muri yombi uwitwa Constantin Tshidime Bulabula, akaba ari umuyobozi w’igiturage cya Moyo Musuila, ushinjwa kuba ari we wategetse iyicwa ry’impuguke 2 za Loni zishwe muri Werurwe, uyu mwaka.
Umuyobozi w’ingabo muri Kasai, Gen. Assumani akaba yemeje ko uyu mugabo yatawe muri yombi akekwaho kuba inyuma y’urupfu rw’izi mpuguke za Loni, Umunyamerika n’Umunyasuedekazi.
[xyz-ihs snippet=”google-pub”]
Uyu yakomeje avuga ko kuri ubu uyu mugabo ari mu maboko y’inzego z’iperereza zishaka kumenya uwo ari we mu by’ukuri.
Kuri Gen. Assumani, ngo abantu bose bakurikiranweho ubwicanyi bagomba gushyikirizwa ubutabera bakaburanishwa.
Iyi nkuru dukesha Radio Okapi ikomeza yibutsa ko izi mpuguke za Loni, Micheal Sharp na mugenzi we Zaida Catalan, bashimuswe muri werurwe 2017 bashimutiwe muri Kasai, imirambo yabo ikaza kugaragara nyuma y’iminsi mikeya. Urubanza kuri ubu bwicanyi rukaba rukomereje mu Rukiko rwa Gisirikare rwa Kananga.
Intara ya Kasai yabereyemo ubugizi bwa nabi bwiganjemo ubwicanyi bwinshi muri Nzeri 2016, hagati y’ingabo za leta n’inyeshyamba z’uwitwa kamwina Nsapu wishwe muri Kanama 2016 n’ingabo za Leta ya Congo nyuma yo gutangiza ibikorwa byo kwigumura ku butegetsi.
Nk’uko byemezwa n’Umuryango w’Abibumbye, ngo abantu baguye muri ubu bugizi bwa nabi babarirwa mu 3,000, mu gihe abagera kuri miliyoni 1,3 bataye ibyabo.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
