Abaturage batatu biciwe mu gace ka Rutshuru muri Kivu ya Ruguru bishwe n’abarwanyi ba FDLR bari babateze igico mu mpera z’iki cyumweru. Aba baturage bakaba bishwe barashwe ubwo bari mu makamyo atwaye ibicuruzwa muri aka gace.
Nk’uko byatangajwe na komite y’abarobyi mu kiyaga cya Edouard, ngo iyi kamyo yari ivuye ahitwa Vtshumbi igana mu isoko rya Kibirizi ijyanyeyo amafi n’abacuruzi bayo.
Abantu bitwaje intwaro bo mu mutwe wa FDLR bari bayitegeye mu ishyamba rya Kishishe bahise bayirasaho.
Radio Okapi ikorera muri RDC ivuga nyuma yo kuraswaho umushoferi wayo n’abakonvwayeri babiri bahise bapfa nyuma yo kuraswa mu mutwe.
Kanda hano ujye ubona amakuru yihuse kandi kugihe kuri Facebook no kuri twitter
Alphonse Munyankindi / Bwiza.com
