Ikipe y’igihugu ya Repubulika Iharanira Demokarasi ya Congo, Les Léopards, yabonye itike yo kuzakina Igikombe cy’Isi cya 2026 nyuma yo gusezerera Reggae Boys ya Jamaica, mu mukino wa kamarampaka wabaye mu ijoro ryacyeye.
Ni umukino wabereye i Guadalajara muri Mexique.
Igitego rukumbi cyatsinzwe na myugariro Axel Tuanzebe ku munota wa 100, cyari gihagije ngo Ingwe za Congo zongere kubona itike y’Igikombe cy’Isi zaherukagamo mu 1974.
Ni igitego Tuanzebe wahoze akinira Manchester United yatsinze n’umutwe, ku mupira wari uturutse kuri koruneli.
RDC nyuma yo kubona itike y’Igikombe cy’Isi yahise yerekeza mu tsinda K isangiye n’amakipe y’ibihugu ya Portugal, Colombia na Uzbekistan.
