Imfungwa 3 zari zifungiye muri gereza nkuru yo muri Rutshuru ‘prison centrale de Rutshuru’ muri Kivu y’Amajyaruguru zishwe n’inzara.
Radiyo Okapi, itangaza ko izo mfungwa zashizemo umwuka mu mpera z’icyumweru gishize, nk’uko aya makuru yemejwe ku wa 12 Nzeri n’umuyobozi wa teritwari ya Rutshuru.
[xyz-ihs snippet=”google-pub”]
Uyu muyobozi utagize byinshi avuga kuri uru rupfu rw’izi mfungwa, akomeza avuga ko hashize amezi menshi ibiribwa bishize mu bubiko bw’iyi gereza, imfungwa zikaba zibayeho nabi.
Ibi bibaye muri gereza ya Rutshuru, mu gihe hashize iminsi havugwa ibibazo no mu zindi gereza zo muri Congo, muri gereza nkuru ya Bukavu muri Nyakanga imfungwa 20 zaratorotse, mbere yaho gato muri Gicurasi imfungwa zisaga 4,000 zatorotse Gereza ya Makala y’i Kinshasa, no muri Kivu y’Amajyaruguru izindi mfungwa zigera muri 900 zitoroka gereza Nkuru ya Kangwayi muri Beni.
Kanda hano ujye ubona amakuru yihuse kandi kugihe kuri Facebook no kuri twitter
Theoneste@Bwiza.com
