Umurwanyi umwe wo mu mutwe wa FDLR yiciwe mu mirwano yabahuje n’umutwe wa Mai-Mai ahitwa Mambu muri Teritwari ya Butembo ho muri Kivu y’Amajyaruguru.
Undi murwanyi umwe nawe yakomerekeye muri iyo mirwano yabaye kuri uyu wa kane ushize nk’uko byatangajwe n’umukuru w’Umurenge wa Bapere, M. Kambakamba.
Uyu muyobozi yagize ati: “ Habayeho imirwano hagati y’aba FDLR n’aba Mai-Mai. Hishwe umu FDLR umwe umu Mai-Mai umwe arakomereka. Iyo mirwano yabaye ahagana saa moya abaturage barahunga. Aba Mai-Mai binjiye mu bihuru, aba FDLR nabo baragenda ”
Uyu mugabo kandi nk’uko Radio Okapi ivuga, yakomeje avuga ko iyo mitwe ibiri y’inyeshyamba yari irimo irarwanira kwigarurira ibikoresho by’amatora, bigenewe kubarurirwaho abazatora mu gace ka Mambu, ahantu bivugwa ko nta musirikare wa FARDC cyangwa umupolisi uhabarizwa.
[xyz-ihs snippet=”google-pub”]
Iyi mirwano rero ngo ikaba yaratumye igikorwa cyo kwandika abaturage bazatora gisubikwa muri aka gace, abayobozi ba komisiyo y’amatora (CENI) bakaba bavuga ko bazi iki kibazo kandi hari gushakwa igisubizo.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
