Ihuriro ry’imitwe yitwaje intwaro ikorera mu ntara ya Kivu y’Amajyaruguru irimo CMC, APCLS, ANCDH, NDCR na FPP ryatangaje ko rigiye gukora burigade (Brigade) yihariye izajya irinda imipaka ya Repubulika ya Demukarasi ya Congo.
Umuvugizi w’iri huriro, Jules Mulumba, mu kiganiro yagiranye n’abanyamakuru ku wa 27 Ukuboza 2022, yasobanuye ko iyi burigade itazaba ishamikiye ku ngabo z’igihugu, FARDC.
Mulumba yagize ati: “Turashaka kurema burigade yihariye itazaba ishamikiye kuri FARDC, igizwe n’abarinzi. Ni ubwoko bw’igisirikare kizajya kirinda imipaka.”
Umuvugizi w’iri huriro yatangaje ko nk’Abanyekongo, biyemeje guhangana n’umwanzi bemeza ko yabinjiriye mu gihugu; akomoza ku barwanyi b’umutwe witwaje intwaro wa M23, ngo bafashwa n’ingabo z’u Rwanda.
Iyi mitwe ishaka kurema burigade ni yo ishinjwa kwifatanya n’igisirikare cya RDC n’indi mitwe nka FARDC mu kurwanya M23.
One Response
RDC: Imitwe yitwaje intwaro yiyemeje gukora Brigade yihariye izajya irinda imipaka
Ninde uyobeweko muri udushami twa fdrl mushaka mwabireka ntibiza bahira ese seri ibahe ubwose intwaro muzazihabwa na Rdc tchilombo we wateguye Jenoside ariko biragupfubanye ahaa