Abarwanyi b’inyeshyamba cumi na barindwi bo mu mutwe wa ADF bishwe n’ingabo za Repubulika ya Demokarasi ya Congo (FARDC) ku gicamunsi cyo ku wa Mbere, itariki 28 Gashyantare 2022, muri Sheferi ya Watalinga, muri Teritwari ya Beni, Intara ya Kivu y’Amajyaruguru.
Nk’uko byatangajwe n’umuvugizi w’ibikorwa bya Sokola1 Grand Nord, Capt. Anthony Mwalushayi wemeje aya makuru avugana na ACTU7.CD, “izi nyeshyamba ni zo zinjiye mu gace ka Kikura mu ijoro ryo ku Cyumweru itariki 27 Gashyantare rishyira kuwa Mbere itariki 28 Gashyantare kandi bicwa n’ingabo za leta zari zibakurikiye…”
Usibye abishwe, amakuru avuga kandi ko “ingabo za leta zashoboye gufata inyeshyamba 4 za ADF, hamwe n’intwaro zo mu bwoko bwa AK47 umunani n’imbunda yo mu bwoko bwa PKM”.
