Padiri Célestin Ngango, wa Paruwasi ya Karambi muri Diyosezi ya Goma, kuri iki Cyumweru gishize yashimutiwe ahitwa Nyarukwangara, hafi ya Kiwanja muri Teritwari ya Rutshuru, aho abamushimuse basaba ingurane y’amadolari 50,000 kugirango bamurekure.
Nk’uko itangazo rigenewe abanyamakuru ry’umuryango utegamiye kuri leta, CEPADHO, ryo kuri uyu wa mbere, itariki 02 Mata rivuga, ngo ibi byabaye ubwo uyu mupadiri yari mu nzira asubira mu giturage cya Rugarama avuye Nyarukwangara , aho yari avuye muri misa ya pasika.
Uyu mupadiri ngo akaba yaratoranyijwe mu bandi bagenzi benshi bari mu modoka ye bamukuramo bamurengana mu ishyamba nk’uko iryo tangazo rivuga.
Radio Okapi dukesha iyi nkuru ikaba ivuga ko abakozi bal eta ya Congo baherekejwe n’undi mupadiri wa paruwasi ya Rutshuru bahise bajya aho padiri Ngango yakuriwe mu modoka ye.
Mu mwaka wa 2016, abandi bapadiri babiri ba paruwasi ya Birambizo n’umudikaoni wa katwe muri Bwalanda na none muri Rutshuru, nabo bashimuswe n’abantu batazwi nabwo bagasaba amafaranga kugirango babarekure.
Kanda Subscribe kuri Bwiza TV ujye ubona videwo zigezweho z’ubuzima,imikino,imyidagaduro…
