Minisitiri w’ingabo z’igihugu ndetse n’abahoze ari abasirikare berekanye incamake y’ibikorwa bya gisirikare n’umutekano by’igihugu “bikomeje kugenzurwa n’igisirikare ndetse n’abandi bashinzwe umutekano ” aho uduce dutatu twakuwe mu maboko y’inyeshyamba.
Mu nama y’abaminisitiri yabaye ku wa Gatanu, itariki ya 04 Werurwe 2022, yerekanye ko ibikorwa by’ingabo za Repubulika ya Demokarasi ya Congo (FARDC) n’ingabo z’igihugu cya Uganda (UPDF) byinjiye mu cyiciro cya kabiri muri teritwari ya Irumu.
Nk’uko uyu munyamuryango wa guverinoma abitangaza ngo ingabo zishyize hamwe zagiye zitera ibisasu ibirindiro bya bya ADF (Allied Democratic Force) mu duce twa Mapipa, Ababi na Katanga, ubu bigenzurwa n’Ingabo nk’uko iyi nkuru dukesha Actu7 ivuga.
Inyandikomvugo y’iyi nama ivuga ko, ibikorwa byo gukurikirana inyeshyamba bikomeje ku mihanda yose y’igihugu.
Umuvugizi wa guverinoma yongeyeho ati: “Icyemezo cya Guverinoma gikomeje cyo gukomeza gushakira ibikoresho igisirikare hagamijwe kugarura amahoro muri kiriya gice cya Repubulika ya Demokarasi ya Congo”.
