Muri Repubulika iharanira Demokarasi ya Congo, mu Ntara ya Ituri umusirikare wa leta umwe n’abasivili batandatu bishwe kuri uyu wa Kabiri, itariki 23 Nyakanga batemaguwe .
Ababishe ni inyeshyamba zarimo zihunga ingabo z’igihugu barimo barwana, nk’uko umuvugizi wa FARDC muri Ituri, Lieutenant Jules Tshikudi, yabitangarije ikigo ntaramakuru AFP cyo mu Bufaransa nk’uko Ijwi rya Amerika dukesha iyi nkuru ivuga.
Intara ya Ituri ikize ku mabuye y’agaciro ya zahabu . Nta mahoro yigeze igira kuva mu 1999, kubera imitwe y’inyeshyamba itandukanye n’ubwicanyi hagati y’amoko.
Ku italiki ya mbere y’uku kwezi, Perezida Félix Tshisekedi yarayisuye, atangaza ko agiye kugaba ibitero bikaze by’ingabo ze ku nyeshyamba zahayogoje.
