Umusirikare wa Repubulika iharanira Demokarasi ya Congo,kuri uyu wa Kane, itariki 13 Kamena yarashe umugore we aramwica nyuma yo gutongana akanya gato muri Komini Mangobo, muri Kisangani, umurwa mukuru w’Intara ya Tshopo, mbere yo kwica abaturanyi babiri bari batabaye nawe akicwa na bagenzi be.
Biravugwa ko nyuma yo kurasa umugore we akamwica, abaturanyi bagerageje kumufata nabo akabarasaho akicamo babiri. Nyuma yo kubimenya, abasirikare bagenzi be nabo bagerageje kumwambura imbunda birananirana biba ngombwa ko bamurasa.
Iyi nkuru dukesha Radio Okapi ikaba ikomeza ivuga ko urubyiruko rwo muri ako gace rwariye karungu rukazengurukana imirambo y’abo bagabo babiri bishwe n’uyu musirikare bakazenguruka mu mujyi ari ko bagenda basahura.
Ubucuruzi bumwe ngo bwagabweho ibitero kuri boulevard du 30 Juin muri Komini Makiso.
Icyicaro cy’ishyaka PPRD (rya Joseph Kabila) nabyo ntibyarebewe izuba n’izo nsoresore zari zarakaye, aho ngo kugeza saa sita z’amanywa abapolisi bageragezaga kubahagarika babasaba kujyana iyo mirambo mu buruhukiro.
Â
