Abantu bitwaje ibirwanisho muri repubulika iharanira demokarasi ya Congo, kuri uyu wa Kane, itariki 28 Nyakanga, mu masaha ya nyuma ya saa sita bagabye igitero gikomeye ku birindiro by’ingabo za leta , FARDC, ahitwa Nyamilima.
Iki gitero cyakurikiwe n’imirwano ikomeye yamaze hafi amasaha 2 nk’uko amakuru ava muri sosiyete sivile yo muri aka gace avuga.
Amakuru ava mu gisirikare avuga ko iki gitero cyagabwe n’inyeshyamba zo mu mutwe wa Maà¯-Ma௠ku ruhande ruyoborwa n’uwitwa Charles Kakule.
Iyi nkuru dukesha Radio Okapi ikomeza ivuga ko abo barwanyi bahengereye ingabo za leta zisubiye inyuma gato bita mu gisirikare, repli stratégique, mu rurimi rw’Igifaransa bakazana imbunda 2 z’umusada mbere yo gutwika ibi birindiro bya gisirikare.
Amakuru aturuka mu gisirikare akaba avuga ko umusirikare umwe wa leta yaburiwe irengero, mu gihe sosiyete sivile ivuga ko umukecuru uri mu myaka 60 nawe yakomerekejwe n’isasu ryayobye.
[xyz-ihs snippet=”google-pub”]
Mu gitondo cyo kuri uyu wa Gatanu ngo muri aka gace ituze rikaba ryari ryagarutse n’ubucuruzi bwakomeje.
Igisirikare nacyo cyasubiranye ibirindiro byacyo, mu gihe abaturage bari bahunze baraye mu bindi biturage nabo bagarutse mu ngo zabo.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
