“ El Clasico” uyu munsi tariki ya 2 Mata 2016 ni umukino utegerejwe na benshi, ukaba uri buhuze Real Madrid na Barcelone
Muri make uyu mukino ntacyo uvuze cyane kubera ko ikipe ya Barcelona irusha Real amanota 10 habura imikino 8, ibi ntibiwubuza gukomera cyane ko ikipe ya Real Madrid yifuza kwihorera kuri mukeba wayo Barcelona kubera ibitego 4-0 iheruka kuyitsinda mu Gushyingo 2015.
Nyuma yo kwirukana umutoza Rafael Benitez ikazana Zinedine Zidane imikino yo hanze yatangiye kuba ikibazo gikomeye kuri Real Madrid.
Icyibazwa n’ abakunzi b’umupira w’ amaguru ni uzahagarika abakinnyi bakomeye Messi, Suarez na Neymar mu gutsinda ibitego kugeza ubu muri “La Liga” ubateranyije bamaze gutsinda ibitego 69. Lionel Messi niwe umaze gutsinda ibitego byinshi muri uyu mukino 21.
Mu mikino 171 imaze guhuza Barcelona na Real Madrid, Real Madrid niyo imaze gutsinda myinshi 71 mu gihe Barcelona imaze gutsinda 68 bamaze kunganya 32. Umukino uraba isaha ya saa mbiri n’ igice z’ijoro (20h30).
Kanda hano ujye ubona amakuru yihuse kandi kugihe kuri Facebook no kuri twitter
Leki@bwiza.com
