Umutwe wa RED-Tabara urwanya ubutegetsi bw’u Burundi, wigambye kugaba igitero uvuga ko wiciyemo abasirikare icyenda ba kiriya gihugu n’umupolisi umwe.
Uyu mutwe wigambye icyo gitero cyo mu ijoro ryacyeye ubinyujije ku rubuga rwayo rwa X.
Wavuze ko usibye abo wishe hari n’imbunda wafashe, zirimo imwe yo mu bwoko bwa FM Kalachnikov, ebyiri zo mu bwoko bwa 2 AK-47 ndetse n’amasasu menshi.
RED-Tabara yemeje ko abarwanyi bayo ari bo bagabye igitero ku mupaka w’ahitwa Vigizo, muri zone ya Gatumba.
Guverinoma y’u Burundi biciye mu itangazo ryasohowe n’umuvugizi wayo, Jérôme Niyonzima, yemeje amakuru ya kiriya gitero ndetse inavuga ko cyiciwemo abantu babarirwa muri 20.
