Ikigo cy’igihugu cy’imiturire mu Rwanda RHA kiravuga ko ubushobozi buke ari bwo bwatumye umushinga wo gukuraho amabati akozwe mu kinyabutabira kizwi nka Asbetos udindira.
Metero kare ibihumbi 790 nibwo buso bwariho amazu asakajwe amabati arimo ikinyabutabire cya Asbestos yamaze gukurwaho. Ubu buso bungana na 46.8 ku ijana .
Ni mu gihe ikigo cy’igihugu cy’imiturire mu Rwanda cyateganyga ko umwaka ushize wa 2016 uzasiga nta mabati afite ikinyabutabire cya Asbestos ari ku butaka bw’u Rwanda.
Impamvu nyamukuru yatumye hatekerezwa gukuraho amabati afite ikinyabutabire cya Asbestos, ni uko icyo kinyabutabire kigira ingaruka zikomeye ku mubiri w’umuntu, yewe ngo kikanatera indwara zimwe muri zo zidashobora gukira.
[xyz-ihs snippet=”google-pub”]
Ese niba ayo mabati akigaragara ku bwinshi ntibikomeza gushjyira ubuzima bw’abaturage mu kaga?
Ikigo cy’igihugu cy’imiturire kivuga ko cyashyizeho ingamba zo kwegurira ba rwiyemeza mirimo ibikorwa byo gukuraho amabati afite ikinyabutabire cya Asbestos babifitiye ubushobozi bakazishyurwa mu byiciro ubu ngo nibwo buryo bushoboka bwatuma aya mabati acika burundu.
Metero kare ibihumbi 900 ni bwo buso busigayeho amazu agisakajwe amabati afite ikinyabutabire cya Asbestos amenshi akaba ari aya leta n’ay’amadini nk’uko iyi nkuru dukesha imwe mu mateleviziyo akorera mu Rwanda isoza ivuga.
Kanda hano ujye ubona amakuru yihuse kandi kugihe kuri Facebook no kuri twitter
@bwiza.com
