Abagabo babiri batambutsaga ibiganiro kuri shene ya YouTube yitwa Dawa Rwanda TV batawe muri yombi na RIB, bakurikiranyweho gukwirakwiza amakuru y’ibihuha no gukoresha imvugo zibiba amacakubiri mu baturage.
RIB yatangaje ko aba bagabo bafashwe ku bufatanye na Polisi y’u Rwanda ku wa 10 Kamena 2025, bakaba bafungiye kuri Sitasiyo ya RIB ya Remera mu gihe iperereza rikomeje.
Umuvugizi wa RIB, Dr. Murangira B. Thierry, yavuze ko imbuga nkoranyambaga zigomba gukoreshwa mu nyungu zubaka, atibagiwe kwibutsa ko ibikorwa byo kuzifashisha mu gusenya ubumwe bw’Abanyarwanda bigize icyaha gihanwa n’amategeko.
