Urwego rw’Igihugu rw’ubugenzacyaha rwatangaje kuri uyu wa 22 Ukwakira 2019 ko abayobozi bane b’akarere ka Rubavu batawe muri yombi ku bwo gukoresha nabi umutungo wa rubanda rutishoboye n’urwasenyewe n’ibiza.
Abatawe muri yombi ni Umujyanama w’Umuyobozi w’akarere, Umukozi ushinzwe ubuyobozi n’abakozi, umukozi ushinzwe imibereho myiza y’abaturage n’ushinzwe imicungire y’ibiza.
Mu minsi ishize ni bwo hamenyekanye inkuru y’imwe mu mifuka 5000 yangirikiye mu bubiko bw’akarere ka Rubavu, yari gufasha abasenyewe n’ibiza n’abatishoboye barenga 1000.
Iyi sima yatanzwe na Minisiteri y’Ingabo yatangiye kugezwa ku karere ka Rubavu hagati ya Kanama n’Ukwakira mu 2018. Umuyobozi Wungirije Ushinzwe ubukungu, Nzabonimpa Deogratius yabwiye Umuseke.rw yo uburangare bw’abayobozi ari bwo bwatumye sima yangirika.
Nzabonimpa yavuze ko umukozi ushinzwe kurwanya ibiza, ushinzwe ibikoresho n’umukozi ushinzwe imibereho myiza y’abaturage bandikiwe amabaruwa abasaba gusobanura ikibazo. Yavuze ko kandi hashyizweho itsinda rishinzwe gusuzuma uko ikibazo giteye ku buryo abazagaragaraho uburangare bazabibazwa.
RIB irakangurira ababishinzwe gucunga neza umutungo ufitiye rubanda akamaro, kuko amategeko ateganya ibihano ku batabicunga neza kandi itaza
bihanganira
