Ikipe ya AS Vita Club y’i Kinshasa muri Repubulika Iharanira Demokarasi ya Congo, yatangaje ko yamaze gusinyisha rutahizamu Manasse Mutatu Mbedi wahoze akinira Rayon Sports.
Iyi kipe ikunzwe kurusha izindi muri Congo Kinshasa yatangaje ko yasinyishije uyu rutahizamu uca ku mpande amasezerano y’imyaka itatu.
Manasse yamenyekanye cyane hano mu Rwanda mu kipe ya Gasogi United yagezemo muri 2020, mbere yo kugurwa na Rayon Sports ya Sadate Munyakazi.
Muri iyi mpeshyi ni bwo yatandukanye ni bwo yatandukanye n’iyi kipe y’ubururu n’umweru.
Usibye Manasse, V-Club yatangaje ko yanasinyishije abandi bakinnyi barimo rutahizamu Tady Etekiama wamenyekanye mu kipe y’igihugu ‘Amavubi’ nka Daddy Birori.
Ni ku nshuro ya kabiri uyu rutahizamu w’imyaka 35 y’amavuko agiye gukinira iyi kipe, nyuma yo gutandukana na Sagrada Esperança yo muri Angola.
