Abantu bitwaje intwaro batamenyekanye mu ijoro ryo kuwa Gatandatu rishyira ku Cyumweru, itariki 08 Kanama, bishe umunyamakuru wa Radio na televiziyo bya Repubulika ya Demokarasi ya Congo (RTNC) wakoreraga muri Rutshuru, mu Ntara y’Amajyaruguru.
Aya makuru yemejwe kuri iki Cyumweru n’Umuyobozi wa Teritwari ya Rutshuru, Col. Nyengele Bakole, wavuze ko uyu munyamakuru yiciwe iwe hakoreshejwe intwaro gakondo.
Uyu munyamakuru witwa Héritier Magayene yishwe ku mpamvu zitaramenyekana kugeza ubu, ariko umuyobozi wa teritwari aravuga ko batangiye iperereza.
Aimé Mukanda, impirimbanyi y’uburenganzira bwa muntu muri Rutshuru, nawe yemeje aya makuru nk’uko tubikesha Politico.cd, aho avuga ko ubu bwicanyi nyuma y’umwaka na se yishwe mu buryo nk’ubu.
Uyu yasabye guverinoma kurinda abanyamakuru kuko bibasirwa n’inyeshyamba zikorera muri iki gice.
