Inteko Rusange ya Sena kuri uyu wa Gatatu yagejejweho inafata umwanzuro kuri raporo ya Komisiyo ya Politiki n’Imiyoborere ku isuzumwa rya raporo y’ibikorwa by’Urwego rw’Umuvunyi by’umwaka wa 2022/2023 na gahunda y’ibikorwa bya 2023/2024.
Sena yiyemeje gucukumbura ibibazo bishingiye ku byangombwa by’ubutaka bikomeza kugaragazwa n’abaturage mu rwego rwo gutanga inama zo gukumira amakimbirane abikomokaho.
Iki gikorwa kizakurikiranwa n’imwe muri Komisiyo Zihoraho izategurira raporo Inteko Rusange ya Sena nk’uko byatangajwe n’Inteko Ishinga Amategeko y’u Rwanda kuri X.
Uyu mwanzuro wafashwe nyuma yo gusuzuma raporo ya Komisiyo ya Politiki n’Imiyoborere mu isesengura yakoze kuri raporo y’ibikorwa by’Urwego rw’Umuvunyi yasanze ibibazo byinshi byakiriwe mu mwaka wa 2022-2023 ari ibirebana n’ubutaka, byihariye 30% y’ibibazo byose.
One Response
Sena yiyemeje gucukumbura ibibazo bishingiye ku byangombwa by’ubutaka bikomeje kugaragara
Ibya service z’ubutaka bikurikiranwe rwose, iyo ufite amafaranga yo guha ushinzwe ubutaka mukarere service irihuta bikaba byakorwa no mumunsi 1 cg 2. iyo ari ntayo ufite dossier yawe barayibika ikaba yamara n’imyaka7 bikurikiranwe kuko harimo ruswa nyinshi n’ubukomisiyoneri.