Mu gace ka Bay kari mu Majyepfo ya Somalia , mu masaha 48 gusa abantu 110 bapfuye bishwe n’Inzara yatewe n’Izuba ryacanye aho n’amatungo menshi amaze gupfa kubera kubura amazi.
Itangazo ryashyizwe ahagaragara n’Ibiro bya Minisitiri w’Intebe wa Somalia nyuma y’Inama na Komite ishinzwe iki kibazo rivuga ko bitoroheye abatuye aka gace ku bijyanye no kubona amafunguro.Bamwe bibasiwe nimpiswi ivanze n’inzara.
Iryo tangazo rigira riti’’ Ntibyoroheye abatuye agace ka Bay.Bamwe bishwe n’inzara ivanze n’impiswi .Mu masaha 48 abantu 110 bamaze kwicwa n’inzara’’
Iri tangazo ruashyizweho Umukono na Minisitiri w’Intebe wa Somalia,Hassan Ali Khaire kandi rikomeza rivuga ko Leta igiye gukora ibishoboka byose ndetse rigasaba abanyasomalia gukora ibishoboka byose bagatabara benewabo bari mu kaga.
Muri Gashyantare,2017 Ishyami ry’Umuryango w’Abibumbye ryita ku bana(UNICEF) ryavuze ko bera iyi nzara iri muri Somalia , abana barenga 270.000 bazibasirwa n’ikibazo cy’imirire mibi muri iki gihugu uyu mwaka.
Mu 2011 abantu 260,000 muri Somalia bibasiwe bikomeye n’inzara nk’uko bitangazwa n’Ibiro Nataramakuru by’Abongereza(Reuters).
[xyz-ihs snippet=”google-pub”]
Igihugu cya Somalia uretse kwibasirwa n’inzara, gikomeje kuba isibaniro ry’ibitero bigabwa n’Imitwe nka al Qaeda ifatanyije na Al Shabaab.
Kanda hano ujye ubona amakuru yihuse kandi kugihe kuri Facebook no kuri twitter
Gabriel Habineza/Bwiza.com
