Uruganda Streit Group rukora ibimodoka by’intambara by’imitamenwa, rwo muri Leta Zunze Ubumwe z’Abarabu (UAE) ku bufatanye na National Enterprise Corporation (NEC) rugiye gutangiza uruganda rw’izi modoka mu gihugu cya Uganda.
Streit Group ni uruganda rukora imodoka z’intambara z’imitamenwa (armoured personnel carriers (APCs) rufite icyicaro mu gihugu cya UAE . rukora kandi imodoka z’agaciro n’izindi modoka z’abashinzwe umutekano, rukaba rufite inganda 12 n’ibiro 25 hirya no hino ku Isi rukaba rukaba rumaze gutanga imodoka zisaga 15,000.
Ibifaru byo mu bwoko bwa Spartan bikorwa na Streit Group
Uruganda rukora ibinyabiziga by’intambara ruhuriweho na Canada na UAE rwitwa Streit ruyobowe na Guerman Goutorov rwahagaritse ibikorwa byarwo muri Algeria ku ya 21 Werurwe, isosiyete ifunga ishami ryayo ryaho, Streit Group Algérie mu rwego rwo kujya gushinga ubucuruzi ahandi.
Ni mu gihe NEC ari ishami ry’ubucuruzi bw’intwaro ry’Igisirikare cya Uganda, UPDF. Cyashinzwe mu 1989 n’itegeko ry’inteko ishinga amategeko ya Uganda nk’uko tubikesha defenceweb.co.za.
NEC na Streit Group bikaba bigiye gufatanya gukora imodoka z’imitamenwa muri Uganda mu ruganda ruzafungurwa vuba ahitwa Nakasongola rwagati mu gihugu.
Ibi bikaba byatangajwe mu gihe mu kwezi gushize hagati Uganda ubwayo yamuritse ibimodoka by’intambara by’imitamenwa yikoreye yise ’Chui’.
