Abarwanyi bo ku ruhande rw’uwahoze ari Visi Perezida wa Sudani y’Epfo, Dr Riek Maschar batangaje nta gikorwa na kimwe kijyanye n’iterambere kigomba gukorwa kidashyizweho umukono na Riek Machar.
Ibi ni bimwe mu byatangajwe n’umuvugizi w’umutwe witwaje intwaro uvuga ko uri ku ruhande rwa Riek Machar kuri uyu wa 28 Gashyantare 2017, Maj. Dickson Gatluak Jock nyuma yo kubuza ibikorwa byo kubaka Umuhanda n’ibindi bikorwa remezo bijyanye n’umuhora wo hagati byari biri gutangizwa muri kiriya gihugu.
[xyz-ihs snippet=”google-pub”]
Uyu muvugizi w’izi ngabo, Maj. Dickson Gatluak Jock yagize ati” nta gikorwa na kimwe kijyanye n’iterambere kizazamurwa mutabanje kubiganiraho na Dr Riek Machar.”
Ibi bikorwa byo kubaka umuhora wo hagati uturutse mu burasirazuba bw’Afurika wemejwe hashingiwe ku isoko rya COMESA, umuryango EAC ndetse na SADC, ukaba ufite intego yo kwagura ubuhahirane mu bihugu biwuhuriyeho guhera muri Afurika y’Uburasirazuba ndetse n’iyo hagati hatezwa imbere ibikorwa by’ubucuruzi.
Aba barwanyi bitwaje intwaro bavuga ko batazatuma hari igikorwa na kimwe gifitanye isano na byo cyubakwa muri kiriya gihugu kiyobowe na Salva Kiir mu gihe atabanje kugisha inama Dr Machar wahoze amwungirije kugeza 2016.
Guturuka mu burasirazuba, uyu muhora ugenda uhuza ibihugu birimo u Rwanda, u Burundi, Kenya, Tanzaniya ndetse na Uganda. Ubu bwikorezi kandi bufite intego yo kugeza ibicuruzwa mu bihugu byombi bihuriye kuri uyu muhora biturutse muri Repubulika iharanira Demokarasi ya Kongo.
[xyz-ihs snippet=”google-pub”]
Uyu munyepolitiki Riek Machar yabaye Visi Perezida wa Sudani y’Epfo kuba ibonye ubwigenge muri 2011 kugeza muri 2013 ubwo yavaga ku buyobozi kubera kutavuga rumwe na Perezida Salva Kiir na nubu batavuga rumwe.
Kanda hano ujye ubona amakuru yihuse kandi kugihe kuri Facebook no kuri twitter
Nsengimana@Bwiza.com
