Bamwe mu bagabo bo muri Tanzania mu ntara ya Iringa bavugwaho konka amabere y’abagore babo kugira ngo bagabanye ubukana bw’inzoga (gusinda) mu mubiri wabo.
Ibi byatangajwe ejo tariki ya 22 Ukuboza 2019, ubwo habaga ubukangurambaga ku ndyo yuzuye, bigaragara ko aba bagabo bari mu mbogamizi zituma abana bari mu gihe cyo konka batabona intungamubiri yuzuye ituruka mu mashereka.
Queen Mlozi wigeze guhagararira Urugaga rw’Abagore mu ishyaka rya Chama cha Mapinduzi yasabye bene aba bagabo kureka iyi ngeso kuko ibangamira uburenganzira bw’abana.
Ikibazo cyo gusinda ni rusange mu ntara zose zigize Tanzania gusa Iringa ifite umwihariko wo kugira abagabo bagira iyi ngeso. Umuti w’iki kibazo n’ibindi bituma intungamubiri itaboneka ni ugukomeza kwigisha abaturage nk’uko abateguye ubu bukangurambaga babivuze.
