Ibyamamare bitandukanye ku isi bikoresha imbuga nkoranyambaga bigamije kuzikoresha mu buryo busanzwe , ariko ubu zikaba zarabaye imwe mu nzira yo kwinjiza agatubutse. Muri iyi nkuru tugiye kubabwira bamwe mu byamamare byabyaje umusaruro urubuga nkoranyambaga rwa Instagra ubu rukaba rubaha akayabo k’amamiliyoni yiyongera ku mirimo yabo ya buri munsi.
Ni kenshi ushobora kuba wibaza inyungu iri mu kugira abantu benshi bagukurikira ku mbuga nkoranyambaga nka Instagram, Facebook, Twitter n’izindi bikakuyobera nyamara abazi ibanga ryabyo bo basobanukiwe ko biri kwinjiriza ba nyiri ugukoresha izi mbuga. Amafaranga yinjizwa n’ibi byamamare nta handi ava usibye kuba byifashishwa mu kwamamaza ibikorwa bitandukanye. Kwamamaza ni inzira imwe rukumbi ibigo nkoranyambaga n’ibitangazamakuru bisaruramo akayabo k’amafaranga atagira ingano.
Imbuga nkoranyambaga zikunzwe kwamamarizwaho cyane ari nazo zishyura kurusha izindi ni Instagram, Facebook, Twitter na YouTube. Gusa gukurikirwa n’abantu benshi ntibivuze ko wishyurwa na ba nyiri ibi bigo ahubwo ushobora kugira abakugana mukavugana kugirango ubafashe kumenyekanisha ibikorwa byabo cyangwa bagaca ku buyobozi bw’ikigo nkoranyambaga ukoresha.
Uru rutonde rw’abinjiriza agatubutse kuri Instagram ruyobowe n’umerwekazi w’imyaka 22 yonyine akaba n’unyamideli, Kylie Jenner, uyu ni umuvandimwe w’umuhanzikazi w’icyamamare, Kim Kardashian nawe ugaragara kuri uru rutonde. Ni urutonde rwakozwe na Fox Business muri Werurwe 2020.
1.Kylie Jenner
Uyu ni umukobwa w’imyaka 22 akaba umunyamideli na rwiyemezamirimo, Akurikirwa n’abantu miliyoni 171 kuri Instagram ye. Buri post imwe ashyizeho imwinjiriza $1,266,000.
2.Ariana Grande
Uyu ni umuririmbyikazi w’imyaka 26. Yishyurwa $996,000 kuri post imwe, akurikirwa n’abasaga miliyoni 185.
3.Cristiano Ronaldo
Uyu ni umunya-Portugal akaba umukinnyi w’umupira w’amaguru mu ikipe ya Juventus mu Butaliyani. Yishyurwa $975,000 kuri post imwe. Akurikirwa na miliyoni 218 kuri Instagram.
4.Kim Kardashian
Uyu ni umuririmbyikazi akaba umugore w’umuhanzi Kanye West, yinjiza $910,000 kuri post imwe. Akurikirwa na miliyoni 169.
5.Selena Gomez
Selena Gomez ni umuririmbyikazi akaba n’umunyamideli, afite imyaka 27 akaba yinjiza $900,000 kuri post imwe. Akurikirwa na miliyoni 176 kuri Instagram.
