Minisiteri y’ingabo y’u Bubiligi yatangaje ko izohereza abasirikare 25 b’inzobere mu bikorwa bidasanzwe (special operations) mu Ntara ya Maniema muri Repubulika ya Demukarasi ya Congo (RDC).
Nk’uko iyi Minisiteri yabitangarije ku rubuga rwayo tariki ya 15 Gashyantare 2022, izohereza aba basirikare mu mujyi wa Kindu mu mpera z’umwaka, kugira ngo bahugure aba RDC mu bikorwa bitandukanye birimo: kwita ku nkomere, gutegura ibisasu n’uburyo bw’imirwanire.
Biteganyijwe ko aba basirikare bazamara ibyumweru 12 muri RDC birimo 4 bazamara bahugura ab’iki gihugu n’ibindi 8 bazamara bungurana ubumenyi n’inzobere zo muri RDC.
Aba basirikare Guverinoma ya RDC yari yarabasabye iy’u Bubiligi mu Kwakira 2021. Bakurikiye abo Leta Zunze Ubumwe za Amerika (USA) na zo zohereje tariki ya 13 Kanama 2021 kugira ngo bafashe iki gihugu kurwanya imitwe yitwaje intwaro, by’umwihariko ADF.
Inkuru y’abasirikare ba USA muri RDC https://bwiza.com/?Amafoto-Abasirikare-kabuhariwe-bo-muri-USA-bamaze-kugera-muri-RDC
