Nyuma ya Leta Zunze Ubumwe za Amerika zatangaje ko zababajwe n’urupfu rwa ambasaderi Yakobo Bihozagara ndetse zikanavuga ko zihangayikishijwe n’imibereho y’imfungwa mu Burundi, u Bubiligi nabwo bwatangaje akababaro bwatewe n’uru rupfu ndetse busaba ko imfungwa za politiki zose zirekurwa.
Ku rukuta rwa twitter rwa minisiteri y’ububanyi n’amahanga y’u Bubiligi, minisitiri Didier Reynders yatangaje ko bababajwe bikomeye n’urupfu rw’uwahoze ari umudipolomate w’Umunyarwanda, Yakobo Bihozagara, wari ufungiye i Burundi.
(1/2) MFA @dreynders is deeply concerned by the death of former Rwandan diplomat and Minister #Bihozagara in jail in #Burundi
– Belgium MFA (@BelgiumMFA) April 1, 2016
U Bubiligi bwahise busaba ko habaho iperereza ryigenga ku rupfu rwe, ku mibereho y’imfungwa ndetse bunasaba ko imfungwa za politiki zose zifunze mu Burundi zahita zirekurwa.
#Burundi(2/2) We call for an independent inquiry on the facts & prison conditions and call to free all political prisoners
– Belgium MFA (@BelgiumMFA) April 1, 2016
Twabibutsa ko ubuyobozi bwa gereza nyakwigendera yari afungiyemo bwatangaje ko yapfuye urupfu rutunguranye ariko ngo akaba yari asanzwe afite ikibazo cy’umuvuduko w’amaraso na Diabete ngo bagakeka ko yazize umutima.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
