Kuri iki cyumweru tariki ya 23 Mata 2017, mu gihugu cy’u Bufaransa hatangijwe ibikorwa by’amatora y’umukuru w’igihugu,icyiciro cya mbere.
Muri aya matora ateganyijwe guhera kuri uyu wa 23 akaba ahuriwemo n’abakandida bagera kuri 11 bose bahatanira uyu mwanya.
Aba bakandida ni aba bakurikira, amashyaka babarizwamo ndetse na bimwe mu byabaranze.
[xyz-ihs snippet=”google-pub”]
Franà§ois Fillon , afite imyaka 63 akaba no mu ishyaka ry’aba- Républicains. Yabaye Minisitiri w’Intebe wa Nicolas Sarkozy (2007-2012).
Mu myaka ye 63, amaze isaga 40 mu bya politiki, ndetse akaba yarigeze no kuba umudepite.
Benoà®t Hamon, afite imyaka 49 y’amavuko, abararizwa mu ishyaka ry’aba-socialiste. Uyu na we akaba yarigeze kuba umuminisitiri ku ngoma ya Franà§ois Hollande.
Marine Le Pen, w’imyaka 48 y’amavuko. Abarizwa muri Front National.
Ni umwe mu bafatiye runini iri shyaka guhera muri 2011, dore ko ryanashinzwe na se umubyara. Muri 2012, yiyamamarije uyu mwanya na none, aho yatsindiwe ku manota 17,9%.
Emmanuel Macron w’imyaka 39 y’amavuko. Abarizwa mu ishyaka ryitwa E marche.
Yinjiye muri Guverinoma guhera muri 2014, akaba yarabaye umucungamari muri Minisiteri y’imari dore ko yanize ibijyanye n’ubukungu aho yanabaye umujyanama wa Perezida Holande mu by’ubukungu.
Kuva yajya muri politiki, ibiganiro bye byaranzwe n’impaka ndende kuko abenshi mu banyepolitiki bagenzi be batavugaga rumwe kubera ibitekerezo bye.
Jean-Luc Mélenchon w’imyaka 65 y’amavuko. Abarizwa muri ”La France insoumise”
Yahoze ari Minisitiri mu ba-socialiste, akaba n’umwe mu bashinze ishyaka ritavuga rumwe na leta.
Muri 2012, na we ni umwe mu bitabiriye amatora y’umukuru w’igihugu, aho yatsindiwe ku majwi 11,1%.
Franà§ois Asselineau w’imyaka 59 y’amavuko. Yabaye umugenzuzi w’Imari muri kiriya gihugu akaba ari muri libération nationale.
Nathalie Arthaud w’imyaka 47. Na we ari ku ruhande rw’abatavuga rumwe na leta. Ni umwigisha mu by’ubukungu, akaba yariyamamaje mri 2012 akagira amajwi 0.56%
Jacques Cheminade , w’imyaka 75 y’amavuko. Yiyamamaje no mu matora yo muri 2012, agira amajwi 0,25%.
Afatwa nk’umuhanuzi w’ibyiza akaba ari nayo ntego ye mu byo yimiriza imbere mu kwiyamamaza kwe.
Nicolas Dupont-Aignan w’imyaka 56 y’amavuko.
Ari ku ruhande rwa leta iriho, akaba na we muri 2012 yarahataniye uyu mwanya akagira amajwi 1,79%.
Jean Lassalle w’imyaka 61 y’amavuko yahagarariye agace ka Pyrénées Atlantiques mu Nteko ishinga amategeko nyuma aza kubivamo.
[xyz-ihs snippet=”google-pub”]
Philippe Poutou w’imyaka 50 y’amavuko. Muri 2012, yarahatanye atsindirwa ku majwi 1,15%. Ari mu ishyaka rya Nouveau parti anticapitaliste (NPA).
Biteganyijwe ko ikindi cyiciro kizahanganisha abakandida 2 gusa bazaba barushije abandi amajwi kikazaba ku itariki ya 7 Gicurasi 2017.
Nsengimana@Bwiza.com
